Sawrkar in ralna sum hlan

Zonuna Kawlni (LENKAWL) • September 15, 2026 • Comments • Mizoram

Zirtawpni kalta September 11, 2026 tlai a Tuihawk in a lak avanga thi, Ruby Lalrinsiami (6), Lawngtlai College Veng chhungte hnenah nimin khan Lawngtlai Bawrhsap Donny Lalruatsanga chuan SDRF hnuaia 'Ex-gratia Fund' atangin cheng nuai li a hlan a, Bawrhsap chuan Ruby Lalrinsiami'n vanduaithlak taka nunna a chan chu Sawrkar leh a mimal ang pawha a tawrhpui takzet thu a sawi a. Thihna hial thleng a nih angin District Disaster Management Authority (DDMA) chuan a theih anga bawhzui nghalin SDRF hnuaia Ex-gratia Fund-in bituk a siam angin râlna hi hlan a nih thu a sawi a ni.