Lenkawl

Mara Autonomous District Council (MA-DC) Chairman thlan hun atana May 18, 2022 ruat a nih hnuah MNF Party leh Congress Party te chuan sawrkar in\awm siam an tum niin a lang ta a, MNF leh INC hian Joint Legislature Party dinin CEM atan H. Malvina (INC, Phura Bial) a ni anga, Dy. CEM atan H.C. Lalmalsawma Zasai (MNF, Amotlah Bial) niin Chairman-ah N. Viakhu (MNF, Siaha South Bial) a ni thung anga, hei bakah hian Congress Party hian Executive Member (EM) pathum leh Nominated Seat pakhat an chang dawn nia thudawn a ni.

Mizoram-ah Arvind Kejriwal-a kaihhruai Aam Aadmi Party (AAP) ruangam din tan a ni a, kumthar a Mizoram Legislative Assembly inthlanpui lo awm turah Candidate neia inthlan an hmachhawn nghal dawn leh dawn loh erawh an sawi chiang ngam rih lo.

Nimin zing dar 7:00 khan Hrangchhungi (100), Serchhip Venglai chu Lungna avangin a boral a, nimin vek khan vuiliam nghal a ni. MUP District Hqrs. Serchhip President, CL. Ramngaia chuan an chhinchhiahna atangin Hrangchhungi chiah hi Serchhip District-a kum 100 dam an neih a ni tih LENKAWL hrilhin kum 100 dam chawimawina an hlan thin dawng hman lova a boral chu an ui hle tih a sawi bawk. Hrangchhungi hi kan Joint Editor ni mek R. Zangura nu niin Serchhip Sub-Hqrs. YMA President nilai Kawlthuama nu a ni bawk.

Tunhnaiah Assam leh Meghalaya chhung hmun thenkhat ah tuilian leh leimin in Rel kawng leh National Highway te a tihchhiat avangin POL, a bikin Petrol chawkluh a khaihlak thei dawn nia hriat a ni a. Hei vang hian FCS&CA Department Director chuan The Mizoram Trade Articles (Licensing and Control) Order, 1987, para 24 leh 25-in thuneihna a pek angin Petrol pekchhuah dan ah khuahkhirhna a siam a, Two Wheeler (Scooty)-ah litre 3, Two Wheeler (Motor Cycle)-ah litre 5 leh LMV-ah litre 10 pekchhuah tur niin HSD (Diesel) chu khuahkhirh a ni lo thung.

Serchhip District-ah COVID-19 hri kai enkawllai tlahniam ve leh hretin nimin tlai thleng khan hri enkawllai mi 14 an awm mek.

Mizoram Board of School Education (MB-SE) chuan Vawiin May 17, 2022 (Thawhlehni) chhun dar 12:00 hian HSLC Examination, 2022 result tihchhuah a tum a, Result hi Aizawl Chal-tlang-a MBSE Office-ah leh MBSE website www.mbse.edu.in-ah en theih a ni anga, Result bu pawh a duh tan lei theih a ni ang. Result ngaihven duh tan Office hours chhungin Ph. No. 9863883041 leh 9863722521-ah te zawhfiah theih a ni bawk ang.

Tuberculosis (TB) natna umbo tura hma-lakna kal zelah Serchhip District-a TB hri kai te hmuhchhuahna tur leh TB natna chungchang mipui te zirtirna chu kalpui mek a ni.

Mizoram pum huap District hrang hrangte Wrestling-a intihsiakna leh Mizo Inchai-a Mizoram Champion nilai te hmachhawn thei tur zawnna chu naktuk atang khian Serchhip-ah neih a ni dawn a, he intihsiakna a tel turte chuan Vawiin hian Serchhip an rawn thleng ang.

Zo Reunification Organisation (ZORO) buatsaih ‘Zo Unity Rally’ chu nimin khan khan Lunglei-ah neih a ni a, Pukpui, Venglai leh Thaizawl-a Raltlan Camp-ah hun hman niin he hun hi HPC Vice Chairman Lawmawma To-chhawng chuan a hmanpui a, Leitlang Lightning Bullet Club pawhin an telpui bawk a ni.

Mizoram-ah COVID-19 Vaccine pek mek zel niin tun thlengin Dose 15,93,694 pekchhuah a ni tawh a, mi 8,54,72 te chuan Vaccine Dose 1-na la tawhin an zinga6,95,507 te chuan Dose 2-na lain an lak tur ang an la zo tawh a, hei bakah hian mi 43,462 te chuan Precautionary Dose an la tawh bawk a ni.