TB natna umbo tura hmalakna kalpui mek zel

Tuberculosis (TB) natna umbo tura hma-lakna kal zelah Serchhip District-a TB hri kai te hmuhchhuahna tur leh TB natna chungchang mipui te zirtirna chu kalpui mek a ni.


Serchhip District TB Centre leh Piramal Swasthya tangkawp ten kumin March 17 atanga Serchhip RD Block leh E. Lungdar Block huamchhunga TB natna zawnchhuah leh mipuite zirtirna beihpui, Aashwasan Campaign an kalpui mek hi chhunzawm mek zel niin tunah hian Serchhip khawpui chhungah pawh hmalakna hi kalpui mek a ni a. He beihpui thlakna kalpui mekah hian Community Mobiliser leh Paramedic Worker te chuan In tin tlawhin TB natna an neih leh neihloh te an zawtfiah a, zawhna an chhan dan atanga TB hrik pai nia rinhleh theih te chu a tul angin enfiah chhunzawm thin an ni.

He beihpuithlak kalpui mektute chuan TB natna chu kar khat aia rei khuh te, hunbi nei a Khawsik te, Chaw ei tuilo te, Rihna tlahniam leh Khak thi-ah te a langchhuak thin tih sawiin, hetiang nei te chu District TB Centre-ah engtiklai pawh in a thlawnin Test theih reng a nih thu an sawi bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar