Lenkawl

Nimin khan Serchhip-ah District Supply Chain Management Committee chu thukhawmin Serchhip District chhunga mipuite tana nitin mamawh lakluh leh pekchhuah kawnga hmalak dan tur an sawiho.

Cabinet Secretary in kawm

Serchhip District Superintendent of Police, R. Sathiyasundaram IPS chuan Myanmar leh Mizoram ramri kaltlanga Mizoram-a luh luih theih nan sawrkar laipui dawr buai a ngai lo tih a sawi.

Tunhnaia Serchhip Zawlpui phai-a thlai thar chi hrang hrang sawrkar ruahmanna anga Ai-zawl lama thawnthlak, kuthnathawktu ten man hniam te te-a an pek laia man to tak taka zawrh awm ni awma thuthang chu Serchhip District Consumers Association te chuan an chhui chiang mek a, hetianga sumdawnna kalpui dan hi hun reilote ah chiang zawka puanzar theih an inbeisei thu an sawi a ni.

Serchhip Mat Phai, Chawm kai-a Bailey Bridge dawh hna thawk mektu hnamdang te zingah COVID-19 vei hlauhthawnawm an awmlo nia thudawn a ni.

Tunlaia hri leng avangin inkharkhipna hun hman mek ni mah se Serchhip mipuite chuan ei leh bar-ah harsatna lian lutuk an la tawklo niin a lang a, Local Level Task Force te kaltlangin chhungkaw 350 chuang hnenah tanpuina thilpek hlan a ni tawh bawk.

Novel Coronavirus hrileng avanga miharsa chhawmdawl ngaite puihna turin leh he hrileng dona pui tura mi thahnemngaite hnen atanga CM Relief fund a sum tlingkhawm chu hman dan tur ngaihtuah turin nimin khan Committee on Utilization of Chief Minister's Relief Fund for Covid-19 chu din a ni a. He Committee-ah hian Chief Secretary chu Chairman niin Vice Chairman-ah Addl. Chief Secretary leh Member Secretary-ah Commissioner & Secretary, Finance Department chu ruat a ni a. Member atan Chairman, NGO Coordination Committee leh MKHC aiawhte ruat an ni bawk. He Committee din thar hi nimin vek khan Aizawl-a CS Conference Hall-ah an thukhawm nghal a. Felfai taka tangkai leh huapzo taka CM Relief Fund hman dan tur an sawiho nghal bawk.

Supply Minister, K. Lalrinliana ruahmanna in Mizoram-a buhfai phurhluh zung zung a nih theih dan tur sawihona nimin khan neih niin ruahmanna hrang hrang siam a ni.

School Education Minister, Lalchhandama Ralte chuan School luh tan hun tur chu sawilawk mai theih ala nih loh thu a sawi.

Agriculture Minister, C. Lalrinsanga leh Agriculture Department-a Commissioner leh Director te chuan nimin khan District hrang hranga Deputy Commissioner leh District Agriculture Officer-te Video Conference hmanga Meeting neihpuiin COVID-19 Lockdown avanga thingtlang loneitute tana harsatna awm thei sutkian dan tur a sawipui.

Dy. CM in thilpek hlan  Deputy Chief Minister leh Tuichang bialtu MLA, Tawnluia chuan a bial chhunga Task Force leh Damdawi In ten COVID-19 dona kawnga an hman turin Mask 1500, Glove 150, Sanitiser 50 Litres, Disinfectant thahnem tak leh Silpouline Bundle 4 a pe a, Sialhawk Damdawi In-a Isolation Ward thawmthat nan pawisa pein Khaw-zawl CHC, Khawhai PHC, Sialhawk PHC leh a bial pawn Khawzawl District chhung Rabung, Kawlkulh leh Biate CHC-a Frontline Workers te tan pawisafai a hlan bawk a, heng pawisa a hlan hi a vaiin Rs. 500,000/- zet a ni. Heng bakah hian Mizoram sawrkar in tunhnaia Personal Protective Equipments (PPE) a chah thlen te pawh heng damdawi In hrang hranga phurhna tur lir-thei a ngaihtuah sak bawk a ni. Sawrkar sum chingfel thei Kum 2019-2020 sawrkar kum chu nizan khan tawpin Vawiin atang hian kum 2020-2021 sawrkar kum chu hman tan a ni dawn ta a, Mizo-ram Finance Secretary, Vanlalchhuanga chuan Sawrkar kumtawp sum chinfel ngai hrang hrang te chu a tlangpuiin

Nimin (March 31, 2020) thleng khan Mizoram-ah COVID-19 vei hmuhchhuah belh an la awmlo.

Information & Public Relations Minister, Lalruatkima chuan Mizoram anga COVID-19 laka invennaa hma la tha an awm a hriat loh thu a sawi.

COVID-19 Medical Operational Team te chuan nimin khan Aizawl-ah thuthar thehdarhtute kawmin tunlai hri leng mek chungchangah Personal Protective Equipments (PPE) tangkai zawka hman dan tur hrang hrang an sawi.

Mizoram sawrkar in School Calendar a ruahman sa-ah Vawiin atang hian kum 2020-2021 Academic Session atan School hawn tan tur ni mah se zirna In te hi hawn theih ala ni dawn lo a, zirna In hawn tan hun tur hi hriat theih ala ni rihlo.

Hrangturzo bialtu MLA leh Home Minister, Lalchamliana chuan a bial chhung khaw hrang hranga COVID-19 dona kawnga hmalakna turin MLA Fund a semchhuak a, heng sum te hi Serchhip DC, H. Dolianbuaia chuan nimin khan khaw hrang hrang aiawhte hnenah a hlan a ni.

Mizoram sawrkar chuan COVID-19 leh Lock Down kaihhnawiha rilru lama harsatna nei te tan Clinical Psychologist biak theih tur ruahman in Serchhip District tan Jane Zodingliani Lailung (Ph. No. 8794924490) biak theih a ni a. Ser-chhip District tan hian COVID-19 chungchang ah 03838-222178/ 6033123750/6033123756 (Administrative) leh 6033128124/ 6033123756 (Medical) te biakpawh theih an ni bawk.

Serchhip District Table Tennis Association (SDTTA) chuan tunlai-a hri leng mek, Corona-virus dona kawnga hman turin an sum thawh-khawm Rs. 10,000/- chu Chief Minister’s Relief Fund-ah an chhunglut a. Hetihlai hian Serchhip District Football Association (SDFA) te pawhin COVID-19 dona kawnga a tul ang apianga hman turin nimin khan Serchhip District Task Force on COVID-19 hnenah Rs. 10,000/- an hlan bawk.

Serchhip District Supply Chain Management Committee te chuan hri leng dona atana Lock Down kalpui mekah mipui mamawh thil hrang hrangte semrual a nih theih nan a viltu bik insiamin an hna chan tur an insem.

Serchhip-a Horticulture Department hotute chuan tunhnaia Aizawl lama Chawhmeh chi hrang hrang an thawnthlak te chu sawrkar in ruahmanna a siam ang leh Local Level Task Force kaltlanga pekchhuah leh a nih avangin man to taka hralh a awmloh thu an sawi a. Nizan hmasa khan Chawhmeh thahnem tak chu Aizawl-ah hian thawn thlak leh a ni bawk.