Latest News

Vaccine pe chhunzawm dawn

 Serchhip District chhunga Health Care Workers te hnena COVID-19 Vaccine, Covishield pek hna thawh mek chu Inrinni leh Pathianni te chawlh anih hnuah Vawiin hian Vaccine pekna tura ruahman hmun thum-ah pek chhunzawm a ni leh dawn a, thudawn danin Serchhip District chhunga mi 450 te hri danna pek turah ni 2 chhung khan mi 306 te chu hri danna hi pek hman an ni a, Presbyterian English School leh Midland M/S-ah mi 121 ve ve te hri danna pek ni tawhin Thenzawl CHC-ah mi 64 te hnenah hri danna hipek an ni tawh bawk a ni.

Hri dona atan Home Minister in MLA Fund semchhuak

Hrangturzo bialtu MLA leh Home Minister, Lalchamliana chuan a bial chhung khaw hrang hranga COVID-19 dona kawnga hmalakna turin MLA Fund a semchhuak a, heng sum te hi Serchhip DC, H. Dolianbuaia chuan nimin khan khaw hrang hrang aiawhte hnenah a hlan a ni.
Home Minister aiawha MLA Fund te hlantu Serchhip DC, H. Dolianbuaia chuan Home Minister in a bial mipuite thawhrimna te hriat saka, an mamawh a rawn ngaihtuah sak chu lawmawm a tih thu a sawi a, tangkai taka hmang turin MLA Fund dawngtute chu a chah bawk a ni.
Home Minister, Lalchamliana hian a bial chhunga khaw hrang hrang 17-a Local Task Force ten tul leh pawimawh an tih anga an hman atan MLA Fund atang hian Rs. 3,85,000/- a ruahman a, heng sum te hi hman nghal thuai a nih theih nan Serchhip DC Office chuan buaipui nghalin nimin khan heng khaw hrang hrang aiawh te hnenah hian semchhuah nghal a ni ta a ni.

Comments

Chhiar Hlawhte