Mipui nitin mamawh lakluh dan tur sawihona neih a ni

Nimin khan Serchhip-ah District Supply Chain Management Committee chu thukhawmin Serchhip District chhunga mipuite tana nitin mamawh lakluh leh pekchhuah kawnga hmalak dan tur an sawiho.

Serchhip District Bawrhsap, H. Dolianbuaia hova Serchhip DC Conference Hall-ah thutkhawm ah hian District chhunga dawrkai lian ten nitin mamawh an la kawl dan dinhmun atangin tun dinhmunah chuan hlauh-thawn tur a awm lo niin a lang a, uluk taka vilzui a, a tul ang zel a hmalak chhunzawm zel nise an ti a. Eirawngbawlna Gas pawh nimin khan Truck Trip khat (1) a lo thleng a, Trip 2 dang lo thleng leh mai tur a awm thu ngaihthlak niin, Veng tinah a inchhawka sem kual dan ngai anga a hmatiama sem leh zel nise an ti bawk.

Hei bakah hian Serchhip khaw chhung ah theirah chawkluh dan tur chungchang pawh he hunah hian ngaihtuah niin Local Task Force kaltlanga lakluh dan dap nise, Baktawng, Khum-tung leh Khawlailung atangin Balhla, Thingfang-hma leh theirah dangte chawkluh tura ruahman a ni bawk.