COVID-19 vei hmuhchhuah belh la awmlo

Nimin (March 31, 2020) thleng khan Mizoram-ah COVID-19 vei hmuhchhuah belh an la awmlo.
Health Minister Dr. R. Lalthangliana chuan nimin khan mipuite hnenah thuchah tichhuakin Coronavirus avanga  Mizoram-a Lock Down ni 10-na leh National Lockdown ni 7 ni, nimin thleng khan chanchin lawmawm kan nei zel tih sawiin, Pathian hnena kan tawngtai rah a nih thu a sawi a. COVID-19 vei nia rinhlelh sample an thawn 15 te result chu nimin khan hriat leh a nih thu sawiin, a vaiin Negative vek a nih thu leh heti hian Sample an thawn tawh te atangin he hrik kai mi pakhat chiah hmuhchhuah an la awm thu a sawi a. Mizoram-ah tualchhunga inkaichhawng (community transmission) a la awm lo nia hriat a nih thu leh lawmawm a tih thu a sawi a. Tun kan dinhmunah Vairengte atanga luhna ah Super strict-a kan inven chuan he hri lakah hian kan him theiin kan mithiamten an ngai deuh tawh hial niin a sawi bawk.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn