Hlauhthawn tur awmlo tih sawi

Serchhip Mat Phai, Chawm kai-a Bailey Bridge dawh hna thawk mektu hnamdang te zingah COVID-19 vei hlauhthawnawm an awmlo nia thudawn a ni.
Serchhip Mat Phai-a Chawm kai Lei dawh hna Garden Reach Company, Kokatta ten an thawh mekah tunhnai khan hnamdang mi thenkhat rawn lut an awm nia hriat a nih avangin helai bialtu Village Level Task Force te chuan heng mite hi a tul anga khunghran an nih theihna turin Serchhip District Level Task Force Committee on COVID-19 ah an thlen a, hemi ang hian thuneitute chuan hma an la zui nghal a ni.
He hna thawh mek viltu Serchhip PWD EE, C. Lalthlamuani chuan helai hmuna hnathawk a awm mek hnamdang te chu Mizoram sawrkar Home Department hriatpuina thlapa Mizoram leh Serchhip rawn lut an nih thu leh Vairengte-a Screening paltlang vek an nih thu te, District Task Force te hriatpuina a an awmna hmunah Quarantine kalpui an nih thu te a sawi a. Tunhnaia Lei dawhna tur hmanrua (Material) rawn phur-luttu hnamdang mi 9 te pawh an rawn thlen veleh pawn chhuak lo tura an lirthei-ah theuh khung an nih thu leh tunah chuan an let leh vek tawh thu a sawi bawk. Hetihrual hian fimkhur thu ah helai hmuna kal thin leh feh thin te chu heng hnam-dang ho lakah hian fimkhur turin thuneitute chuan an chah bawk.
Chawm kai-a Bailey Bridge dawh hna thawh mek hi kumin Furpui thlen hma hian zawh ngei tumin ngawrh taka hmalak mek a ni.

Comments

Chhiar Hlawhte