Chanchin thar thenkhat :

Dy. CM in thilpek hlan
 Deputy Chief Minister leh Tuichang bialtu MLA, Tawnluia chuan a bial chhunga Task Force leh Damdawi In ten COVID-19 dona kawnga an hman turin Mask 1500, Glove 150, Sanitiser 50 Litres, Disinfectant thahnem tak leh Silpouline Bundle 4 a pe a, Sialhawk Damdawi In-a Isolation Ward thawmthat nan pawisa pein Khaw-zawl CHC, Khawhai PHC, Sialhawk PHC leh a bial pawn Khawzawl District chhung Rabung, Kawlkulh leh Biate CHC-a Frontline Workers te tan pawisafai a hlan bawk a, heng pawisa a hlan hi a vaiin Rs. 500,000/- zet a ni. Heng bakah hian Mizoram sawrkar in tunhnaia Personal Protective Equipments (PPE) a chah thlen te pawh heng damdawi In hrang hranga phurhna tur lir-thei a ngaihtuah sak bawk a ni.

Sawrkar sum chingfel thei
Kum 2019-2020 sawrkar kum chu nizan khan tawpin Vawiin atang hian kum 2020-2021 sawrkar kum chu hman tan a ni dawn ta a, Mizo-ram Finance Secretary, Vanlalchhuanga chuan Sawrkar kumtawp sum chinfel ngai hrang hrang te chu a tlangpuiin an chingfel tih sawiin, COVID-19 avanga harsartna te pawh awm mah se sum hman hmanloh avanga kalliam awm lo turah an ngaih thu a sawi bawk.

PM-KISAN ah hma la zel
Union Finance Minister, Nirmala Sithara-man-a’n tunlaia hrileng Novel Coronavirus (COVID-19) avanga harsatna tawk mek kut-hnathawktute chhawmdawl nan PM-KISAN hnuaia loneitu (beneficiary)-te puihna turin an account-ah Rs. 2,000/- theuh thun a nih tur thu a puan hnuah Mizoram sawrkar pawhin hma la zelin PM-KISAN hnuaia loneitu (beneficiary) 43,208 te account-ah cheng vbc.  864.16 thun a ni tawh a, PM-KISAN hnuaia loneitu inziaklut tawh, Bank account leh Aadhaar Card chiang tawklo leh dik tawklo, siam that ngai engemaw zat leh pawm tawh zingah pawh an account-a la chhunluh loh engemaw zat an la awm bawk a ni.

BSNL in ruahmanna siam
March 22, 2020 atanga rampum-a Lockdown kalpui a nih avanga BSNL Mobile Service hmangtu Validity Extension tinung (recharge) thei lo ten call an dawn chhunzawm zel thei nan BSNL chuan April 20, 2020 thleng a thlawnin a tihnun sak dawn a, hemi chhunga Zero balance nei tan pawh talk time Rs. 10 man hu zel a thlawnin  an pe dawn bawk a ni.

MPYCC in hriatthiam har ti
Congress Thalai, MPYCC chuan Covid-19 hrileng avanga Mizoram mipuite kan chiai laiin Mizoram sawrkar in April 1, 2020 atanga hman tura Electric Bill uchuak taka tihsanna Order a tichhuak tih an sawi a. Hun khirhkhan ram-in a tawh laia mipuite tawrhna belhchhah tura hma-lakna chu hriatthiam har an tih thu an sawi bawk.

Comments

Chhiar Hlawhte