SP in ramri kan turin dil buai a ngai lo tih sawi

Serchhip District Superintendent of Police, R. Sathiyasundaram IPS chuan Myanmar leh Mizoram ramri kaltlanga Mizoram-a luh luih theih nan sawrkar laipui dawr buai a ngai lo tih a sawi.
Hemi chungchanga niminpiah a thuchhuah a siam ah Serchhip District SP chuan tunlaiah COVID-19 avangin India sawrkar chuan March 25, 2020 atang khan Total lockdown a puan thu leh hei hi April 15 thleng tur niin he hrileng laka inven a ngaih avangin thuleh awm hma chu Myanmar atanga Mizoram (India) luh hi State sawrkarin a phal tawh lo tih a tarlang a. Mizo hnahthlak leh Mizoram khua leh tui, Myanmar ram-a cham bang mek te chu hrileng vanga inkharkhipna hlih a nih hma chuan Mizoram lo luh tum lo tur leh mahni awmna ngaia lo chambang mai tura ngen leh hriattir an nih thu tarlangin, Mizoram-a luh luih theih nana India sawrkar pawh dawr buai a ngaih tawhloh thu a tarlang a. Sailulak leh Lungkawlh a VCP leh VLTF te chu an ral-a Mizo hnathlak khua awmte hnenah he thu hi Phone hmangin emaw, a remchan dana lo inhrilh chhawng vek turin a ngen nghal bawk a ni.
Serchhip District Bawrhsap, H. Dolian-buaia pawhin thuchhuah siamin March 11, 2020 khan Serchhip District chhunga International/ Inter State Border inkalpawhna Gate/Check Gate zawng zawng te chu khar tura tihna thupek chhuah a nih tawh thu tarlangin, Myanmar atanga Mizoram luh hi phal a ni tawh lo tih a tarlang bawk.

Comments

Chhiar Hlawhte