Lenkawl

Fisheries Minister, K.Lalrinliana chuan Mizoram chhungah Sangha market a \ha sawt hle tih sawiin, ramdang a\anga Sangha kan lakluh nasat danah a hralhna tur a vang lo tih a lang chiang hle tih a sawi.

Home Minister, Lalchamliana chuan nimin khan Kolasib District huamchhung Mizoram ramri hrula Police Duty post te chu a hmunah kalin a enfiah.

Power & Electricity Department Minister, R. Lalzirliana chuan nimin khan Serlui ‘B’ Small Hydel Project a khawl siam\hat mek leh thawm-\hat hmabak la awm te a hmunah a endik.

Mizoram sawrkar in Serchhip-a Doctor awm tura a dah Joseph Lalmuanpuia Hauzel (ENT) leh K. Vanlalhriati (Paediatrician) te chuan nimin khan an hna an rawn zawm a, Vawiin hian Doctor dang pakhat in a hna hi a rawn zawm leh beisei a ni. Hetihlai hian Serchhip-a thawklai, Dr. Rita Zoramthari (ENT) chuan nimin vek khan Serchhip a chhuahsan a, Doctor dang 2 te erawh chhuah tir an la ni lo thung.

Nimin khan Serchhip-ah District Level Co-ordination Committee on 7th Economic Census chu an Chairman Serchhip DC, Sangchhin Chinzah hova \hukhawmin tun thla a\anga \ana thla thum chhung awh tur 7th Economic Census neih tur an thlirlawk.

Mizo Students’ Union (MSU) Sub-Hqrs. Kei\um chuan nimin khan Kei\um khua a\anga HSLC leh HSSLC pass thar te chawimawina hun an buatsaih.

Serchhip-a UD&PA Department in Children's Sanitation Club te tana T-Shirt an buatsaih chu nimin khan District Urban Development Officer, Vanthangpuii chuan a Office-ah a tlangzarh.

Serchhip-a Excise & Narcotics Department chuan thla kalta, May 2019 chhung khan tualchhung siam Rakzu litre 400 chuang manin hun rei tak hnuah rampawn a\anga lakluh BEDC pawh Serchhip-ah man a ni leh tawh a. Tunlai a Instant Yeast hmanga Zu siamchhuah chu a hlauhawm avangin fimkhur turin mipuite an ngen bawk.

High Powered Committee (HPC), Lunglei member thar te lawmluhna hun chu nimin khan Chief Minister,Zoramthanga hovin Lunglei Convention Centre-ah neih a ni a, Chief Minister chuan HPC Lunglei term thar chuan Lunglei District huamchhunga hmasawnna nasa tak a thlen a beisei thu a sawi.

MPC Party chuan nimin khan an President, Lalhmangaiha Sailo kaihhruaia Executive Committee \hutkhawm neiin kan ram, kan Hnam leh kan Sakhua a him theih nana ZPM (|angrual Pawl) alo piang chu lawmawm an tih thu leh ZPM kut ti chak turin theihtawp an chhuah zel tur thu Resolution siamin an pass a, hun remchang hmasa berah Party Assembly neih an rel bawk. He hunah hian MPC President, Lalhmangaiha Sailo chuan MP Election kan neih zawh takah Chakma-in Mizo mipuite tan thuthlukna an siam nia a hriat thu leh Central BJP sawrkar in ram an kaihhruai tum dan chuan a ngaih a tih\hatloh thu a sawi bawk.

Mizoram Volleyball Association (MVA) chuan Serchhip District Volleyball Association (SDVA) chu Mizoram-a District hma la \ha ber lawmawm an hlan. Mizoram Volleyball Association (MVA) hian nimin khan Aizawl-ah General Body Meeting neiin he hunah hian kum kalta chhunga Volleyball hmasawnna tura hmala \ha te hnenah lawmman an hlan a, Serchhip District Volleyball Association (SDVA) chuan Mizo-ram puma District Association hna thawk \ha ber lawmmawn dawngin Citation leh Rs. 20,000/- an dawng a, he chawimawina hi SDVA General Secretary, C. Laldinpuia chuan dawngin nikum khan he chawimawina hi an lo dawng tawh bawk a ni.

Nimin khan Serchhip-a Higher Secondary School pahnih-a zirlai naupangte chuan Neiloh leh Buangpui khaw inkarah Pada Yatra (Jorney By Foot) an nei a. He kawngzawh hi Mahatma Gandhi Piancham 150-na lawmna chikhat atana buatsaih niin Govt. Higher Secondary School Serchhip leh Lal Thanhawla Higher Secondary School NSS Unit a mi 25 ve ve leh zirtirtu mi 8 an tel a, he hun hi Govt. Higher Secondary School Serchhip Principal, Laltinkhumi Hnamte chuan khuallian niin a hawng a ni.

Mizoram sawrkar chuan tunhnaia Mizoram Civil Service (Junior Grade) lak thar mi 12 te awmna tur a siam thar a, heng mi 12 te zingah hian Serchhip-a Sub-Deputy Commissioner (SDC) hna chelh turin F. Lalnisai D/o F. Hming-thanzauva, Tuikual Aizawl rawn dah a ni. Tun \uma MCS lak thar mi 12 te hi Aizawl-ah mi 3, Ko-lasib leh Lawngtlai-ah 2 ve ve, Serchhip Mamit, Lunglei, Siaha leh Champhai-ah 1 \heuh awm tura dah an ni.

Serchhip Sub-Hqrs. YMA chuan Serchhip khawpui chhunga dan lova hnamdang sumdawng dapchhuah leh an sumdawnna titawp tura hmalakna an kalpui leh mek .

Serchhip District Sports Committee (SDSC) chuan nimin khan General Body Meeting neiin Serchhip District Sports & Youth Officer, Ngurthansanga MCS chuan khuallian niin a hmanpui.

Mizoram Larsap, Jagdish Mukhi chuan nimin khan Thenzawl tlawhin tunlaia khualzin ten Thenzawl leh a chhehvela hmun pawimawh hrang hrang an tlawh \hin te a tlawh.

Aizawl Municipal Corporation (AMC) Board of Councillor (BOC) Meeting-in Aizawl khawpui chhungah August ni 1, 2019 atanga Plastic 50 microns hnuailam khap a rel angin Plastic hman khuahkhirh a ni dawn a, hemi atana hmalakna hmasa atan naktuk khian Aizawl khaw pum huapin Plastic thenfai hnatlang neih a ni dawn.

Nimin khan Ex-MNA Association huaihawt in Martar 17 te thlahna hun Aizawl Vanapa Hall ah neih a ni a, Chief Minister, Zoramthanga chuan a hmanpui a ni.

Mizoram Agriculture Marketing Solution (MAMSol) in Bairabi Mini Trade Centre-a cheng nuai 150 senga Cold Storage Facility a sak chu nimin khan Agriculture Minister, C. Lalrinsanga chuan a hawng.

Information & Public Relations Department buatsaih \hin, Mizoram Calendar nakum 2020 tur atan thlalak thehluh theih a ni a. Thlalak hi TIFF format edit miah loh, a resolution 300 DPI leh size a 12”by18” aia te lovin July 3, 2019 thleng I&PR Office ah thehluh theih a ni.