‘Mizoram Youth Manifesto 2028’ siam anih tur thu MPYCC President in a sawi

Mizoram Pradesh Congress Committee (MPCC) chuan nimin khan Aizawl-a Congress Bhavan-ah Political Session neiin he huna thu sawitu MPYCC President Ngurdingpuia Pachuau chuan an hotu ten thalai pawimawh zia hriain thalaite ngaihpawimawh an nih tur thu te, an dah No. 1 dawn thu leh thalaite hmasawnna tur atana ‘Mizoram Youth Manifesto 2028’ siam anih tur thu te a sawi a, “Mahni party mal ngawta siam lovin, Mizoram Thalaite Manifesto atan mahni duhzawng rawt theihna 'Huapzo Forum' kan siam dawn a ni tia an sawi te hian min tihlim hle a ni,” a ti a. “Mizoram Thalaite kan vannei dawn hle in ka hria. Keimahni duhzawng leh tha tihzawng, kan idea te rawtchhuah ve theihna chance siam nachang hria Congress Party hruaitu rinawm leh zahawm tak tak kan nei hi Mizoram thalai ten lawm nachang i hria ang u,” a ti bawk.