Dan lova ramri-a sumdawnna sawiho a ni

Nimin khan Lawngtlai Bawrhsap Donny Lalruatsanga kaihhruaiin a Pisa-ah Dan lova ramri kaltlanga sumdawnna leh bungraw phurh chungchang ngaihtuah a ni a, Bawrhsap chuan sumdawnna kawngah Dan mumal tak zawm a nih theih nan theihtawp chhuah a tul thu sawiin, Lawngtlai District atanga Myanmar lama bungraw phur leh sumdawnna kalpui thin ten dan ang thlapin an kalpui em tih uluk zawka endik bakah dan bawhchhiate dan anga hrem an nih tur thu a sawi a. A bik takin India khua leh tui ni lo, lirthei khalh leh mi hming hawha lirthei lei bakah lirthei rûkbo leh zawrhchhawn an awm thin nia thu thang pawh uluk taka chhuichian a nih tur thu a sawi a ni. He hunah hian District Administration atanga khapna thupek khauh tak tihchhuah leh a bawhzui kawngah theihtawp chhuah tlân te an rel bawk a ni.