Mizoram-a rawn zin India hmarchhak Bialtu NITI Aayog Member Dr. Joram Aniya chu nimin khan Chief Minister Lalduhoma chuan a Pisa-ah kawmin Mizoram hmasawnna tur thil pawimawh hrang hrang an sawidun a. Chief Minister hian NITI Aayog-a an thil thlen ten ngaihpawimawh a hlawh thin avanga lawmthu sawiin, “Kan hmathlir tihlawhtling turin in thawhpuina hi kan mamawh reng dawn a ni,” a ti a. Dr. Joram Aniya chuan NITI Aayog chuan Mizoram hmasawnna tura hmalakna tinrengah a thawhpui tlat tur thu Chief Minister hi a hrilh ve bawk a ni.
He hunah hian Mizoram in khualzin tam zawk a dawn zel theihna tur te, KMMTTP peih a nih huna tangkai taka hman a nih theih dan tur te, Sawhthing sawngbawlna lama chak zawka hmalak dan turte leh Mizoram-a School tam takin Atal Tinkering Labs an hmuh theih dan turte an sawidun bawk a ni.
