Runway siamthat nan vbc. 80 ruahman a ni

Lengpui Airport-a Thlawhtheihna tlan kawng a that tawkloh avangin Central Road Research Institute chuan thla 3 hnuah Licence tihtawp sak theih a ni tih sawiin, hemi bawhzui hian Mizoram sawrkar chuan Lengpui Airport-a Thlawhtheihna tlan kawng siamthatna tur cheng vbc. 80 a ruahman.

Inrinni kaltaa Lengpui Airport tlawhtu MNF Legislature Party leh Lengpui Airport hotute inkawmna-ah he thu hi tarlan niin Aviation hotute chuan thlawhna tlan kawng chu a that tawk loh thu Central Road Research Institute chuan an sawi thu an sawi a, CRRI hotuten Lengpui Airport enkawltute hnenah Thlawhtheihna tlan kawng chu siamthat anih loh chuan License cancel thlengin hmalak theih anih thu sawiin, hemi avang hian Mizoram sawrkar chuan February ni 5 khan Lengpui thlawhna tlan kawng siamthat nan hian cheng vbc. 80 a ruahman a ni.

Lengpui Airport hotute sawi danin tun dinhmunah Thlawhtheihna tlan kawng chu a that zawng tehna-ah PCN 36 a ni mek a, hei hi PCN 55-ah tihsan tum a ni tih sawiin, hmalakna an kalpui tan thu an sawi a, CRRI hotute sawi danah tuna Airport runway chu Thlawhtheihna chetsual hlauhthawnawm anih avang leh mipui tan a him tawkloa an ngaih avangin siam that ngai an ti a, hemi avang hian Mizoram sawrkar chuan siamthatna tur atan cheng vbc. 80 a ruahman a ni.

Lengpui Airport hotute chuan Lengpui ram huam chin chu teh thin a ni tih sawiin, kum 2022-a a zau zawng teh ah Airport ram bigha 1997-a zau chu kum 2024-a teh hnuhnun berah bigha 1724.78 a nih thu an sawi bawk.