Serchhip Block ZPM te chuan Inrinni khan Serchhip Kawnpui VC Hall-ah Village Council Inthlanpui neih tura Serchhip khawpui chhung Veng hrang hranga ZPM Party atanga Candidate turte intawhkhawmna hun an buatsaih a, he hun hi Bialtu MLA leh Chief Minister Lalduhoma chuan hmanpuiin Mizoram-a sawrkarna chelh tawh hotulu te an lo corrupt tawh thin avangin Ruling VC lai apiang an corrupt thin nia a hriat thu a sawi a. Khawtlang hruaitu la ni leh zel turte pawhin hei hi hrereng tur leh VC nih chu chhungkhat laina induhsakna atan hmang lo turte in a chah a. Tunhma Mizoram VC te rorelna felfai leh lai tha kha a ngaihawm thin thu pawh Chief Minister chuan sawiin, thlantlin an lo nih pawhin kalphung thar mipui sawrkarah chuan danglam ngam tur an nih thu leh eirukna leh hlemhletna thuah pawh Ruling VC an nih avang ngawtin an indim dawn chuan loh thu a sawi a ni.
