Mizoram in Delhi-a Show Room a mamawh thu thlen

Mizoram Rajya Sabha MP K. Vanlalvena chuan Mizoram Handloom dehchhuahte regular taka phochhuahna tur Show Room chu Delhi-ah Mizoram in a mamawh thu a sawi.

    Zirtawpni kaltaa Parliament House Annexe building-a DONER Consultative Meeting neih ah Rajya Sabha MP K. Vanlalvena chuan he thu hi a sawi a, Mizoram chanve dawn chu Mau hmun a la nih thu leh Mau leh hruihnang atanga thil siamchhuah te a lo pun zawk theih nan Mizoramah Handicraft Training Institution changtlung din a tul thu a sawi bawk. DONER Consultative Meeting hi Union Cabinet Minister of DONER Jyotiraditya M.Scindia chuan kaihruaiin MoS DONER leh MP 7 te bakah mi pawimawh engemaw zat an tel a, Mizoram Rajya Sabha MP hian thutkhawm hmasaa a lo sawi chhuah tawh Sangau atanga Saisihchhuah kawngpui laih hna thar thawh leh tura ngenna DONER Minister hnenah a thehlut nghal bawk a ni.