MNF Secretary in MCC bawhchhia ah CM a puh

Zonuna Kawlni (LENKAWL) • February 10, 2025 • Comments • Mizoram

Mizoram State Election Commission chuan Chief Minister Lalduhoma chu Model Code of Conduct bawhchhia a puh a nih vangin insawifiah turin a hriattir.

MNF Gen. Hqrs. Secretary J. Rosangpuia chuan tun thla ni 6 khan SEC Mizoram hnenah hian Chief Minister Lalduhoma hi MCC bawhchhia puhin lehkha a thehlut a, Lalduhoma chuan MCC hnuaia thu inziak, 'Policy thar' leh 'Ruahmanna thar lam hawi reng reng puan chhuah rih loh tur' tih chu a bawhchhe ngeia a lan thu ziakin, ZPM Tuirial West Block hruaitute nena Chief Minister Pisa-a thla an lakho vawrh darh chungchang pawh MCC bawhchhiahtna ngei nia a hriat thu a tarlang bawk a ni.

SEC thuneitute tarlan danin Chief Minister Lalduhoma hian Inrinni khan insawifiahna chu State Election Commission-ah a thehlut a, SEC hotute chuan a insawifiahna hi Vawiin lam hian ngaihtuah a nih dawn thu an sawi bawk a ni.