UPC (NEI) Bial inkhawmpui nei

United Pentecostal Church (UPC) North East India (NEI) Aizawl District chuan nimin Pathianni hmang khan Pastor Bial hrang hrangah Bial Inkhawmpui an nei a, Bial Inkhawmpui hi Zirtawpni zan khan neih tan niin Inkhawmpui hawnna neih a nih hnuah Inrinni khan Rorelna te neiin hun an hmang bawk a ni. UPC (NEI) Serchhip Pastor Bial Inkhawmpui vawi 59-na chu Serchhip Chanmari Veng UPC Biak In-ah neiin thupui ata, ‘Lalpa Isua lo kal lehna’ tih chu hmangin Speaker atan Rev. R. Laltlankima, Superintendent, AED chu hman a ni a, Serchhip Dinthar Bial UPC Inkhawmpui vawi 24-nn pawh UPC Ramthar Biak In, Darnam Veng-ah neih niin Speaker atan Evan Lalnunzira hman a ni bawk.