Kohhran Hmeichhia ten Bial Inkhawm an nei

Mizoram Presbyterian Kohhran hnuaia Kohhran Hmeichhia te chuan nimin, Pathianni hmang khan Pastor Bial hrang hrangah Bial Inkhawmpui an nei a, Bial Kohhran Hmeichhe Inkhawmpui hi Zirtawpni zan khan neih tan niin Palai lawm leh report inkhawm an hmang tlangpui a. Branch tin Secretary bakah Bial Secretary ten Inkhawmpui hmasa leh tun inkhawmpui inkara an chetvelna report an pe a. Inrinni khan Rorel leh Hruaitu thlanna neiin Inrinni zan atang khan Pathian Biak Inkhawm neiin nizan khan khawmpui hi an tiak a ni. Serchhip Vengchung Pastor Bial Kohhran Hmeichhe Inkhawmpui vawi 22-na chu Serchhip Dinthar Kohhran Biak In-ah neih niin Serchhip Pastor Bial ten Hriangtlang Kohhran Biak In leh New Serchhip Pastor Bial ten New Serchhip Kohhran Biak In-ah te Kohhran Hmeichhia Bial Inkhawmpui hi an nei bawk a ni.