Campaign hun tawp dawn

Naktip February 12, 2025-a Village Council leh Local Council Inthlanna neih tur atana Campaign theih hun chu Vawiin tlai dar 4:00 hian a tawp dawn ta.

Representation of the People Act, 1951 section 126 chuan vote thlak hun tawp atanga chhiar leta darkar 48 (i.e. ni 10.02.2025 tlai dar 4:00 atanga ni 12.02.2025 tlai dar 4:00) chhung hi Silent Period’ ah puangin hemi hun chhung hian inthlan kaihhnawih thila vantlang inkhawm khap tlat a ni a, State Election Commission emaw District Election Officer in phalna an pe a nih loh chuan mi tumahin inthlan kaihnawih thil Television-ah emaw Print Media/Social Media-ah emaw mipui hmuh theih turin an pho-chhuak tur a ni lo. He thupek zawm lote chu kum hnih thleng lungin tantir emaw, lei chawitir emaw, a pahniha hrem theih an ni bawk.

Silent Period hman anih atang hian Inthlan atana Campaign period a tawp a, mipuite ten rilru fim leh ngaihtuahna thiang an lo neih theih nan he hun hi hman thin a ni.