Sports Minister in hawng

Mizoram State Sports Council Non-Residential Coaching Programme chu nimin tlai khan Sports Minister Robert Romawia Royte chuan Hawla Indoor Stadium, Aizawl-ah a hawng a, “Mizoram leh Sports Department bungthar kaina a ni,” a ti.

Mizoram State Sports Council Non-Residential Coaching Programme-ah hian Basketball Coaching kal mipa naupang 51 leh hmeichhe naupang 1 an awm mek a; Boxing Coaching kal mek Mipa 30 leh hmeichhia 4, Table Tennis Coaching kal mek mipa 30 leh hmeichhia 8; Tennis Coaching kal mek mipa 23 leh hmeichhia 16; Weightlifting Coaching kal mek mipa 24 leh hmeichhia 16 leh Wrestling Coaching kal mek mipa 17 leh hmeichhia 13 an awm a, an vaiin mi 227 an ni. Coaching Programme hi thla 4 chhung niin, Session a zawh hunah admission hawn leh tur a ni anga, trainee te performance record hi an nu leh pa te pek thin an ni ang.