COVID-19 hri kai hmuhchhuah la pung zel

Mizoram-ah COVID-19 hri kai hmuhchhuah an la pung zel a, niminpiah a Sample enfiah 555 atangin COVID-19 hri kai mi 142 hmuh niin Sample enfiah atanga za zela 25.59 te chuan hri an kai a ni.

Niminpiah a Mizoram-a COVID-19 hri kai hmuhchhuah mi 142 te hi Rapid Antigen Test hmanga Sample enfiah 548 atanga hri kai hmuhchhuah te vek niin an zinga 104 te chu Lunglei District atanga hri kai hmuhchhuah an ni a, Aizawl District-ah hri kai mi 20 hmuh niin Champhai District-ah 9, Saitual District-ah 5 leh Khawzawl leh Hnahthial District-ah hri kai mi 2 ve ve hmuh an ni a, ZMC-a RT-PCR Laboratory-ah Sample 2 enfiah leh TrueNat Laboratory-a Sample enfiah 5 atangin hri kai hmuhchhuah an awm lo thung.

Mizoram-a NHM hnuaia thawk nuar te zingah COVID-19 report siamtute an tel avangin District thenkhat report hmuh theih a ni lova, Report lut chinah nimin khan District pahnih atangin hri kai enkawl dam mi 12 awmin heti hian nimin tlai dar 5:00 thleng khan Mizoram-a COVID-19 hri kai hmuhchhuah chu 2,30,124 niin an zinga 2,28,559 te chu enkawl dam an ni tawh a, hri kai hmuhchhuah atanga chhutin za zela 99.32 te chu enkawl dam ni tawhin hri kai enkawllai 859 an la awm a, hri kai zingah mi 706 boral tawhin hri kai enkawllai zinga 408 te hi Aizawl District-a enkawl an ni.