Rotary Club Aizawl dincham

Rotary Club of Aizawl chuan nimin khan an dinchampha vawi 30-na pualin Aijal Club-ah hun an hmang a, he hun hi Home Secretary H. Lalengmawia chuan khuallian niin a hmanpui a ni. Khawvel pum huapa pawl lian berte zinga mi Rotary Club hi June 13, 1992-ah Aizawl-ah din a ni a, Mizoram hmun hrang hrangah tanpuina tam tham tak an pe tawh a, heng zingah hian Serkhan khuaa mi rethei chhungkaw 10-te In an sak te, Health Department hnenah Oxygen concentrator 145 an pek te, Aizawl-a Adventist Hospital tan Rs. 44,25,000 senga Neo Natel Ventilator, Laparoscopic Surgery set leh Oxygen pipeline an siam leh Mit tha lo naupang 200-te tarmit an siam sak te a tel a ni.