Serchhip tlangval khelhna in hma hruai


Mizoram Super League (MSL) Season 7-na Final Game 1 chu nizan hmasa khan khelh niin Serchhip tlangval Michael Liansanga khelhna Khatla TBL in hnehna an chang a, zanin-ah Game 2 khelh leh a ni ang.

R. Dengthuama Indoor Stadium, Mualpui-a khelh Mizoram Super League (MSL) Season 7 Final hi game thum khelh tura ruahman niin nizan hmasa a game hmasa ber khelh ah hian Khatla TBL chuan 87-65 in Zarkawt BCA an hneh a, heng Team pahnih te hi League round-ah vawihnih inhmachhawn tawhin vawikhat ve ve hnehna an chang a, intawn vawi thumnaah Khatla TBL hi a chungnung zawkah an tang a ni.

Nizan hmasa inkhel ah hian Khatla TBL hian bul an tan thain chak pawh an phu zawk a, Quarter pathumah hnehna chang vekin quarter hnuhnung berah Zarkawt BCA chuan hnehna chang ve bawk mahse quarter tina point khaikhawm atangin hnehna an chang zo lo a. Khatla TBL tan K. Lalthianghlima (25pts-14rebounds) chu thawhhlawk hlein Vanlalthazuala (19pts), Serchhip tlangval Michael Liansanga (16pts) leh foreigner Levi Bradley Jr (11pts) te pawh an khel tha hle a ni.

Zanin dar 8:30-ah Final Game 2-na khelh leh a ni dawn a, Khatla TBL hian hnehna an chan leh chuan MSL 7 Champion an ni thei dawn a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man