Thla 3 chhunga chhiat lut cheng vbc. 263.94 tling

Mizoram sawrkar-a Taxation Department chuan kumin 2022-23 (April - June) chhungin Chhiah chi hrang hrang Rs. 2,63,94,07,847 a hmu tawh a, kum kal mek a chhiah hmuh beisei zat (target) chu cheng vbc. 801.3 a ni.

Taxation Department chhinchhihna atanga a lan danin kum kal mekah April khan Chhiah chi hrang hrang Rs. 90,46,82,225 hmuh niin, May thla ah Rs. 93,45,38,881 leh June thla ah Rs. 80,00,86,741 hmuh a ni a. Chhiah hmuhna tam ber chu GST niin, chumi atanga kumin thla 3 chhunga hmuh chu Rs. 2,34,05,37,594 a tling a, Profession Tax atangin Rs. 1,90,36,432, Sales Tax atangin Rs. 27,96,66,595, Entertainment Tax atangin Rs. 88,876 leh thil dang atangin Rs. 78,350 hmuh a ni bawk.

Taxation Department hi kumtin sawrkarin Tax Revenue lak khawm zat tur a bituk sak thin a. kum liamta 2021-22 chhung khan Chhiah khawn tura a bituk zat chu cheng vbc. 717.13 a ni a, an target hi cheng vbc.177.71 a khumin, an chhiah khawn zawng zawng tlingkhawm chu cheng vbc. 894.74 a ni a. An thanna chu za zelah 32 niin, GST hman hnuah kum 5 chhunga an thanna chu khaikhawmin 23.8% a ni a. Kum 10 kaltaa an Revenue Collection atanga teh chuan kum kaltaa an collection hi 384% in a tam zawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man