Missionary Day vawi 130-na Mizoram pumah hman a ni

Zosap Missionary Rev. FW. Savidge (Sap Upa) leh Rev J.H Lorraine (Pu Buanga)-te'n Chanchin tha hril tura Mizoram an lo chuan-chhuah ni, ‘Missionary Day’ vawi 130-na chu nimin January 11, 2024 khan Mizoram hmun hrang hrangah urhsun taka hman a ni.
Missionary Day hi Baptist Church of Mizoram (BCM) chuan Chanchin tha thlen ni atan hmangin chanchintha thlen avanga lawmthu sawi inkhawm an buatsaih a, hmun thenkhat ah ruai nen he ni hi hman niin, Kohhran hrang hrang ten Pathian thuchah ngaithla in ‘Kohhran Lungpui – Chanchin Tha Hril’ tih chu thupui ah hman a ni.

Presbyterian Kohhran chuan Pu Buanga leh Sap Upa-te'n Mizoram an lo thlen ni hi an Kohhran din \an ni atan an hmang thung a, chawhma leh zan hun atan thupui siam a ni a, chawhma lamah ‘Mizoram Presbyterian Kohhran leh zirna’ tih chu thupui-ah hman niin zan inkhawmah ‘Mizoram Presbyterian Kohhran leh Khawtlang nun siam-\hatna’ tih hman a ni bawk.

January ni 11, 1894 khan Sap Upa leh Pu Buanga-te hian Tlawng lui zawhin Sairang an lo thleng a, Isua Krista chanchintha an hril bakah Mizote tan A, AW, B siamin, zirna sikul an din a, an lo chuanchhuah ni denchhen hian kumtin January ni 11 hi Missionary Day ah hman thin a ni a, kum 1994 khan Mizoram-a Chanchin tha thlen champha kum 100-na pawh lawm a lo ni tawh bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar