Mizoram-a Eri Project kalpui dan a hmunah enfiah

Sericulture Department-in Mizoram-a Eri Project an kalpui mek chu Central Silk Board (CSB) lama Scientist te leh State Department Official ten tunkar Thawhtanni atang khan Joint Verification neiin an tlawhkual mek a, loneitu ten Project an kalpui dan a hmunah enfiah a ni.

He Joint Verification Team hi Team hnih (2) ah inthen in, Mizoram Chhim lam Lunglei, Hnahthial leh Serchhip District te tlawhchhuak turin BN. Choudhury Scientist 'D' leh Dr. Lalthlamuana Pachuau, Sericulture Scientist te an kal a, Khawchhak lamah Champhai, Khawzawl leh Saitual District te tlawh chhuak turin B. Lalchhuana, Deputy Director (Technical) leh Nagest, Asst Secretary CSB Guwahati leh REC, Aizawl atangin Official te an kal bawk a ni. Heng Monitoring Team te hian Eri Project beneficiaries-te chu an Plantation Site te tlawhin, an hmalak dan te an enpui a, Project kalpui tawh chinah Project beneficiaries-te hmalakna a tha thawkhat hle niin an hmu a, beneficiaries-te pawh dik leh tha taka tanpuina an dawn te hmang thin turin an fuih bawk.

He Joint Verification report hi Central lam atanga Project chhunzawm zel nana sum lo kal tur atana pawimawh avangin State Department pawh theihtawp in an lo in buatsaih a, Eri Project bakah Muga Project pawh kumthar ah hian kalpui thei turin Sericulture Department pawh an in buatsaih mek a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar