Manipur atanga raltlan tlem

Manipur tualchhung buaina avanga sahimna zawnga Mizoram-a rawn raltlan chu an tlem hret hret nia thudawn a ni. Nikum May 3-a Manipur a Zohnahthlak leh Meitei te inkara buaina chhuak avang khan Mizoram-ah sahimna zawnga raltlan rawn lut hi an tam hman viau a, nikum October ni 26 khan Manipur atanga raltlan hi Mizoram ah mi 11911 an awm a, hemi hnu hian an pung tawh lovin December ni 15-ah mi 11348 an la awm a, December ni 19-ah mi 9653 la awmin Home Department in an chhinchhiah thar ber kumin January 8 khan mi 9652 an la awm a, raltlante zinga mi 1465 chu Relief Camp-ah awmin hmun dangah mi 8187 an awm a. Relief Camp hi Aizawl, Kolasib leh Saitual District-ah te a vaiin 28 a awm a, Relief Camp pawna awmte hi Hnahthial District tih loh District dang zawngah an awm a, a tam ber chu Aizawl District-ah niin mi 3694 an awm. Mi 31 awmna Siaha District-ah an tlem ber thung a ni.