Dragon Fruits chingtu ten CM hnenah harsatna thlen

Thenzawl Dragon Fruits Growers & Marketing Society te chuan niminpiah khan Chief Minister Lalduhoma chu a Pisa-ah hmuin an Pawl in Dragon Fruits an chinna hmun panna kawngpui siam sak turin an ngen.

Thenzawl Dragon Fruits Growers & Marketing Society hruaitute chuan hmun zau takah Dragon Fruits a hlawm (cluster) a an chin thu Chief Minister hnenah hian sawiin, an hmunhma panna kawng hi SEDP atanga thawh a nih thu an sawi a. Amaherawh chu hmun thenkhat a chhuk chho zual lai, lirthei full load in a tlanpui theih lohna te, hmun thenkhat zim zual lai te leh huan awmkhawm (Zau) inkalpawhna te siam tul tak engemawzat a la awm thu an sawi a. Chief Minister hian an dilna te chu tihhlawhtlin sak a tum tur thu lo hrilhin, an hmunhma pawh tlawh sak a tum tur thu a lo hrilh bawk a ni.

Thenzawl Dragon Fruits Growers & Marketing Society hruaitute atang hian an pawl huanah hian a tirah an member chhungkaw 69 leh mimal pathum ten Dragon Fruits kung 36000 phunin bul an tan a, a hnuah kung engemawzat an phun belh leh tawh tih an sawi bawk a ni.