Serchhip District-a khaw hrang hrangah Viksit Bharat Sankalp Yatra Campaign nei mek

Ram mipui ten sawrkar laipui hnathawh leh hmalakna hrang hrang an hriatchian theihna tura sawrkar hnathawk ten mipuite an khua ah ngei kalchilha inhrilhhriatna hun, Viksit Bharat Sankalp Yatra (VBSY) Campaign chu Serchhip District chhunga khaw hrang hrangah neih mek a ni.

Viksit Bharat Sankalp Yatra (VBSY) Campaign hi nikum December 18 atang khan Serchhip District-ah hian neih niin December 23 atanga 27 thleng leh December 30 atanga January 3 thleng chawlh lailawk a nih hnuah tunlai hian Serchhip District chhung khaw hrang hrangah chhunzawm leh mek a ni a, nimin khan Bawktlang leh North Mualcheng khua ah te he Campaign hi neih a ni a, Vawiin hian East Lungdar-ah chhunzawm leh a ni ang.

Serchhip District chhung khaw hrang hranga Viksit Bharat Sankalp Yatra (VBSY) Campaign neihna khua ah te hian Health Department hnuaia hamthatna te, Financial Institutions (Bank) hrang hrang kaltlanga mipuite hamthatna te, ICDS hnuaia PPMVY te, PMUY-UJJWALLA 2.0 hnuaia Gas Free Connection tih dan te bakah PHE leh Agriculture lama sawrkar laipuiin mipui tana hamthatna a duan hrang hrangte chu Sawrkar Line Department aiawhten mipui kalkhawm mipuite an hrilh a. Zawhna leh chhanna hun hlawk tak an hman bakah, VBSY thuziak (pamphlet) leh VBSY Calendar-te sem niin, he hunah hian PMJBY-Golden Card siam, Free Health Camp leh Free Gas Connection booking te chu kalkhawm mipuite tihsak nghal an ni a, khaw hrang hranga he hun hmanna ah hian mipui ten an hlut thei hle nia thudawn a ni.

Viksit Bharat Sankalp Yatra hi November 15, 2023 atang khan Sawrkar laipui chuan kalpui tanin State tinah kalpui chhoh a ni tawh a. Mizoram leh State dang pali, inthlan hmachhawn te tan erawh hun pawhsei niin Mizoram State hian December ni 14, 2023 khan State Level-ah a hawnna neiin a kalpui tan a. Viksit Bharat Sankalp Yatra atan hian Serchhip District-ah Van pakhat tirh a ni a, he lirthei (Van) hi a bika ruahman niin State pawn atanga rawn tirh a ni a, December ni 18, 2023 atanga zin chhuak tanin tunah hian Tuikum Bial chhunga khaw hrang hrangte tlawhchhuah a ni tawh a, tunah hian Hrangturzo Bial-a khua ah te he hmalakna hi kalpui mek niin tun thla ni 19 atang khian Serchhip Bial chhunga khua ah neih tan tur a ni ang.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man