Myanmar Sipai thawnkir tam

Myanmar tualchhunga buaina kal zelah tun hnaia mipui sipai leh Myanmar sipai inkah thleng avanga sahimna zawnga Myanmar sipai Mizo-ram-a rawn tlanchhia mi 359 te chu Myanmar ramah thawnkir an ni tawh. Thuneitute sawi danin Myanmar sipai te hi Mizoram atangin tum 5 thawnkir ni tawhin a vawi khatna ah mi 45 te chu Hnahlan atangin IAF Helicopter hmanga thawnkir an ni a, vawi hnihna ah Vaphai atangin mi 29 te chu IAF Helicopter hmang bawka thawnkir niin a vawi 3-na ah Tuipang atangin mi 30 thawn kir an ni leh a. Kum liamta December thla khan Myanmar sipai 151 zet chu Lengpui Airport-ah Myanmar Airforce Cargo Plane hmangin thawnkir an ni a, tunkar Thawhlehni khan Myanmar sipai 104 zet chu mipui sipai te nen an inbeihna vangin Siaha District ah tlanchhia in heng Sipai 104 te hi nimin khan Aizawl atanga Sittwe panin Myanmar sipai thlawhna in thawnkir an ni bawk a ni.