Thla 3 chhungin Mizoram-ah mi 4,649 in damdawi In ah nau nei.

Kum 2013 April a\anga June thla chhungin Mizoram ah Naupai in register mi 6,641 awmin heng zinga mi 4,649 te hian Damdawi In ah nau an nei.

He thu hi National Rural Health Mission (NRHM) in kum 2012-13 chhunga an hmalakna hrang hrang te thlirletna 1st Quarter Review meeting, ni hnih awh tur nimin a Health Directorate Conference Hall, Dinthar, Aizawl-a neih ah tarlan a ni a, he hunah hian Dr. Lalthanga, State Programme Officer, RCH chuan 1st Quarter chhunga hmalak tawhna tlangpui report pe in kum 2013 April a\anga June thla chhungin Mizoram-ah Naupai in register mi 6641 awmin heng zinga mi 4,649 te hian Damdawi In ah nau an nei a, mi 2263 te hnenah Damdawi In a nau nei \anpuina Janani Suraksha Yogona (JSY) scheme hnuai ah pek an ni a, mi 1833 te hnen ah free transportation JSSK hnuai ah pek a ni a, mi 2997 te hnen ah free treatment pek a ni a ti bawk. Naupang kum 5 hnuai lam 80% a\anga 90% Mizoram pumah Zenghri venna (Polio Vaccine) pek a ni a, August ni 1 a\ang khan Zokhawthar ah naupang kum 5 hnuailam rawn lut leh chhuak te hnen ah Polio Vaccine (Zenghri Venna) pek tan anih bak ah Central Sorkar in Vaccine Van 2 Mizoram tan a rawn pe thar tih a tarlang bawk.