Nimin chawhma khan Serchhip District Disaster Management
Authority buatsaihin Serchhip D.C. Conference Hall-ah, Serchhip
khawchhunga Higher Secondary School te leh College te tan Quiz
Competition buatsaih a ni a, he Quiz Competition hi Chhiatrupna laka in
ven dan leh hmachhawn dan tur in zirtirna hun atan hman nghal a ni bawk.
District Bawrhsap, Pi Juhi Mukherjee, IAS chuan Quiz competition
hawnna thu sawiin, Chhiatrupna, a bik takin khuarel chhiatna kan tih
hian lian tham takin Serchhip District leh Mizoram hi a la khawih ve
nachungin inthlahdah phah nan a hman chi a ni lo a ti a, engtikah nge
hetiang hi kan tawn dawn tih kan hriat lawk theih loh avangin inring
renga kan awm a tul a, hetiang thil a lo thlen hian zirlaite leh
thalaite hi chhanchhuahna hna thawh kawnga kan innghahnate an nih
avangin zirtirna mumal tak an dawn a ngai a, damlo buaipui dan te, ran
thi leh bungraw chhia senghawi dan tur te leh thil pawimawh tam tak
hriat tur a awm a, hun reilote ah hetiang chungchanga inzirtirna hi
Sawrkar Department hrang hrangah leh Zirna In leh Hospital bakah
Serchhip a Insitution hrang hrangah te kalpui tum anih thu a sawi bawk.
Nimin a Quiz Competition ah hian Zirna In pathum – Government Serchhip
Higher Secondary School, Lal Thanhawla Higher Secondary School, New
Serchhip leh Government Serchhip College te an tel a, Government Higher
Secondary School in point 46 hmu in Pakhatna an ni a; Government
Serchhip College (38) leh Lal Thanhawla Higher Secondary School, New
Serchhip (30) ten Consolation Prize an dawng a, lawmman te hi
Independence Day 2013 lawmna ah sem a ni ang. Participants te hi an
zirlaipui ten an tawiawm tha hle a ni.
Nimina Quiz Competition hi Pu Lalsangliana, MCS, Addl. D.C., Serchhip
in a kaihruai a, Quiz Master atan Pi Chuaupari Pachuau, D.O., DM&R
Serchhip hman niin, DM&R Serchhip Nodal Officer Pu Vanlalrova, MCS
in lawmthu sawina in hun a khar a ni.
Comments
Post a Comment