LENKAWL ADS (Revenue) :

Common Service Centre leh Rural Information Kioks enawltute hnathawh dan enfiah ngai ti

Mizorama hnathawh thuhmun Common Service Center leh Rural Information Kiosk enkawltu te hnathawh dan enfiah ngai an tih thu Village Level Entrepreneur intelkhawm in an sawi.  Prime Minister Flagship Programme hnuaia Common Service Center (CSC) state puma kalpui a nih laia, an service pek chhuah ang tho pe ve tur Rural Information Kiosk (RIK) hawn a nih leh bakah, a enkawl hlawhtling theilo ZENICS kutah bawk a awm leh chu enthat leh ngaia an hriat thu, CSC hnuaia Village Level Entrepreneur intelkhawm chuan an sawi. Mipuiten awlsam zawka kawng hrang hranga sawrkar an dawr a, an tangkaipui theih nan CSC project hi India ram State tinah chaktaka kalpui turin Central Sorkar chuan a ti a, hemi zulzui hian CSC project kalpui turin Mizoram sorkar Department of Information and Communication Technology, Mizoram State e-Governance Society (MSeGS) leh ZENICS chu kawng hrang hrangin an thawkho a, ZENICS chuan Mizoram CSC 136 tur a thlang a, hetiang hian he Project hi PPP Mode a kalpui a ni.

Hetihlai hian, he project hnuaiah hian CSC pakhat zel chhawmdawl nan cheng 7500 thlatin hman tur a ni a, hemi anga chhut chuan, kum 2 an kalpui tawh hnuah ZENICS chuan cheng vbc 2 nuai 44 leh sing 8 vel a dawng tawh tihna a nih thu VLE intelkhawmpawl chuan an sawi a, amaherawhchu tun thlengin Banner pahnih leh Online software hman tlak loh pakhat, avaiin a tam berah Cheng Sing 1 vel ang hu chiah pek an ni an ti a, tunah hian, Income Certificate, Residential Certificate, leh Tribal Certificate te an pe chhuak ve thei tawh tih pawh sawiin, hetihlai vek hian, CSC te service pekchhuah theih ang ti ve turin Rural Information Kiosk (RIK) Project Mizoram khaw hrang hrangah kalpui a ni leh a, a enkawl hleithei lo tu ZENICS mawhphurhnaah bawk pe a ni leh tih an sawi a, hei hi mak an tih thu leh a rang lama enfiah ngai an tih thu an sawi a ni. Heng project 2- CSC leh Rural Information Kiosk kalpui thu a mawhphurtu ni a lang Department of Information and Communication Technology, Mizoram State e-Governance Society leh ZENICS-ah hian thuneitu pawimawh chu mi pakhat a ni a, amaherawhchu project inang, inkalthuah bawk si leh hlawhtling bawk si lo a kalpui chu enfiah a ngai takzet a ni an ti.