Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Save Mizoram Long March in Ramlaitui thleng tawh

Zoram Nationalist Party (ZNP) in Aizawl a\anga Lunglei thleng tura ‘Save Mizoram Long March' an neih meka tel te chuan a ni 5-na atan nimin khan Thenzawl a\angin Ramlaitui an thleng a,
heti hian tun thlengin 111 km kal tawhin nizan khan Ramlaitui-a an riah hnuah Vawiin hian KM 22 kal lehin Vawiin hian Haulawng an pan leh dawn a, zan an riak nghal dawn nia thudawn a ni. Tun dinhmunah heng kawngzawhtute hi an hriselna dinhmun pawh a \ha zel nia thudawn a ni a, an zingah hian Ke durh erawh an tam tawh hle nia thudawn a ni a, niminpiah a Then-zawl an thlenin Thenzawl-a Doctor ten an hriselna dinhmun enin an Ke te hi an lo enkawl sak tih ZNP thuchhuah chuan tarlangin an lawm hle tih an tarlang bawk.
    ZNP in Save Mizoram Long March’ an buatsaih ah hian mi engemaw zat ten kawng hi an zawh a, kawng-zawhtute zinga upa ber chu Pu Lalawia (Zuangtui) niin kum 70 a ni a, a nau-pang ber chu Nl. Rinpuii kum 16 a ni thung a, an paltlang khaw hrang hrang mipuite duhsakna leh \awiawmna avangin ZNP chuan lawmthu a sawi tih an thuchhuah ah an tarlang bawk.

Comments

Popular News (Last 30 Days)