Latest News

Chin hriatloha bo a pasal in a that tih hrechhuakin a ruang hmu.
    August ni 10 a\anga a chin hriat loh a bo, Pi K.Zohmangaihi (49), Aizawl Zarkawt Veng a pasalin thah hnu-a Sakawrhmuituaitlang-a a ruang a paih chu nimin chawhnu dar 2 khan a taksa bung \henkhat hmuh a ni a, tlawmngaia thawkten rim taka an zawn chhunzawm hnu-ah 2:30 khan Zohmangaihi ruang hi hmuh kim a ni.
 

Pi K.Zohmangaihi w/o Lalremruata Ralte hi Aug. 10, 2013 zan dar 11 vel a\ang khan a chin hriat loh in a bo a, a chhungte chuan Aizawl Police Station-ah FIR an thehlut a, Police ten zawng zuiin a pasal hi August ni 11 khan Delhi lamah a kal a, a room hi a inkalh tlat a, Police in an kar hawn hnu-ah khuma bedsheet leh lukham bakah rizai kawr a awm lo niin an hriat a ni. Hei hian Police lam ngai a tih\hat loh em vangin Aug. 18, 2013-a a pasal Delhi a\anga lo haw chu Police ten Lengpui-ah an lo hmuakin an la nghal a, nizan hmasa khan a thah ngei anih thu a puang ta a ni. Police te hnena a inpuan dan chuan an nupa hian an inhau a, an room ah hian thatin a zanah Sakawrhmuituaitlang-a bawlhhlawh paihnaah a paih tih a sawi a, a hnua a in puan leh dan chuan a nupui mu lai hi tuboh hmangin a chhuhlum niin a sawi nia thudawn a ni bawk a, Police te chuan Central Jail-ah an dah nghal a ni.
    Nimin zing a\ang khan Pi Zohmangaihi ruang hi ngawrh taka zawn nghal a ni a, a kham a chhengchhiat em avangin a zawng tur pawhin tlang lawnthiam bik SYS hnuai a mi te tirhluh an ni a, ruang hi \huang hniha zawn a ni a, Bawlhlawh paihna zawl a\anga 700 mtrs bawrvela thuk-ah nimin chawhnu dar 2:00 vel khan Pi Zohmangaihi ruang hi hmuh a ni a, a taksa hmuh kim a nih loh avanga an zawn zui leh hnuah a taksa hi hmuh kim a ni. Pi Zohmangaihi ruang zawng tur hian a chenna Zarkawt khawtlang leh Biate Welfare, Sihphir leh Lungdai a\angin tlawmngai a thawkchhuak an \hahnem hle a ni. Pi Zohmangaihi ruang hi Aizawl Civil Hospital-ah postmortem tura lak a ni a, ruahman lawk ang chuan Postmortem zawh a nih veleh vuiliam nghal a ni ang.

Comments

Popular News (Last 30 Days)