Latest News

REVENUE DEPARTMENT IN FIR THEHLUT



Land Revenue & Settlement Department chuan Barabi leh Sairang inkara rêl kawng sial tura zangnadawmna chungchangah ram pass lem a awm nia an hriat avangin Kawnpui Police Station-ah FIR an thehlut.
Thudawn danin Revenue department FIR thehluh ah hian, Khamrang VC huamchhunga ram neitu inti mi 13-te hming leh address bakah, an pawisa lak tur zat ziah a ni a, mi 13-te pawisa lak tur belhkhawm chu  Rs. 60,12,000/- a ni a, ram neitu intite chu Kolasib mi pariat, Aizawl mi pathum, Lungdai leh Khamrang mi pakhat ve ve an ni a; chung mite pass neih dan chu a diklo niin Revenue department chuan a ngai a ni. FIR an thehluh rual hian Revenue department chuan kum 2011 July ni 20-a Mizoram sorkar gazette an thil tel a; sorkar gazette-ah chuan, zangnadawmna lak nana ram pass lem siam enfiah hmasak tur a nih thu leh, a dik lote lakah dan anga thubuai siamsak a nih tur thu ziah a ni. Pass lem rinhlelhawm chungchang hi Revenue Director-ah thlen a ni a, Director chuan Kolasib ASO hnenah thurawn pe-in ASO chuan FIR hi a thehlut ta a ni. Rel kawng siam tura ram lak zangnadawmna chungchang hi ACB pawhin an chhui tawh a, an thil hmuh chhuahte chu Vigilance department-ah an thawn a ni.

Comments

Popular News (Last 30 Days)