Latest News

Champhai Vengthlang-a leikhi vangin In chhuahsan mek zel.

Champhai Vengthlang, IB Veng-a mihring chenna ruam hmun zau tak chu tunlai ruahsur nasa vangin min chhe mai thei dinhmunah a din avangin Vengthlang huamchhunga In 13-a cheng chhungkaw 16-te insawn chhuahtir an nih hnuah Aizawl panna kawngpui thlang lam, Kanan Veng huamchhung In 12-a cheng chhungkaw 15-te pawh insawnchhuahtir leh an ni.
Helai huamchhungah hian Thawhlehni tlai ruahsur a han hnuah leikhi a awm tih hmuhchhuah a ni a, hemi ni la la hian chhungkaw \henkhat chu an insuan chhuak a, nimin zing khan Champhai DC Pu Lalthangpuia Sailo hovin Dist. Level Disater Committee hovin helai hmun hi endikin, in 13-a cheng chhungkaw 16 te chu hmun him lama insawn turin an hrilh a ni. Helai leikhi hian leimin a thlen chuan Champhai a\anga Aizawl panna kawngpui a hnawh theih dawn avangin, kawng danga helna tur ngaihtuah ni se tih Committee chuan a rel nghal bawk. Helai hmuna leikhi enfiah tur hian DM & R Secretary Pu H. Rochungnunga; Director Lalbiaksanga leh Dy. Director Pu C. Lalsangluaia te chuan Vawiin hian Champhai an thleng dawn bawk a ni.

Comments

Popular News (Last 30 Days)