Apex Bank in Kohhran 840 te Biak In sakna tur Loan pe tawh.

Mizoram Co-operative Apex Bank chuan Kohhran 840 hnenah Biak In sakna loan a pe tawh a, Kohhran zingah loan rul theilo an la awm lo.

Mizoram Cooperative Apex Bank hian hmasawn lam a pan ve zel a, Bank hian hlawkna nei thur thur lo mahse he Bank a pawisa deposit te chu a ram miten \angkai takin kan hmang \hin a, chung zinga langsar tak chu Kohhran te hnenah Biak In sakna loan an pe hi a ni. Kum 2000 a\ang khan Kohhran hnena Biak In sakna loan hi an pe \an a, a tirah chuan mimal hmingin pahnih khat an han pe zet a, mahse Kohhran hmingin an pe zui ta a, tunah hian Kohhran 840 hnenah Biak In sakna tur hian loan pe tawhin Biak In sakna atana a loan pek zawng zawng hi cheng nuai 8254.13 a tling tawh a, heng kohhran loan an pek zingah hian rul theilo an la awm lo a, khaw pakhata Kohhran pakhat erawh chuan an thawhlawm a\anga teha sang tak loan an lak avangin an rul sak deuh a, mahse an rul zel tho a, Kohhran hnena loan an pek hi loan an pek pumpui a\anga za zela 11.10 a tling hial a ni.
    Apex Bank hian loan chi hrang hrang an pechhuak nasa hle a, Nationalise Bank ten deposit an lakkhawmte loan a pe chhuak lova, an Branch a an kawl theih bak chu an Hqrs. lam phai lama an thawn \hin laiin Apex Bank chuan phai lamah thawn ve tawh lovin Zoramah a cham bang a, Zoram hmasawn nan an pe chhuak \hin a, an CD ratio hi 67.13 lai a ni. Apex Bank hian Business loan te, Agriculture/Agriculture Allied loan te, Industry tenau loan, Sorkar hnathawk Housing Loan, Transport Loan, Church loan, Sorkar hnathawk Personal Loan, Educational loan etc. a pechhuak a, hetiang hi mi (account holder 10,488) hnenah cheng nuai 29,009.84 a pechhuak a, Bank Deposit zawng zawng hi cheng nuai 43214.35 a ni. Apex Bank hi Mizo Bank a ni a, a enkawltu tur Chairman, Vice Chairman leh Board of Directors te hi thlan \hin a ni.