Latest News

Serchhip-ah Northeast Yatra for Lifestyle (Life) nei mek

Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.

Damdawi \ha lo hmanga sumdawng a puhna thu diklo a nih thu Health Minister in a sawi.

Health Minister, Pu Lalrinliana Sailo chuan Pu Rampanmawia nena damdawi \ha lova lova sumdawng duna an puhna chu thudik lo leh dawt muhlum a ni tih sawiin, politics-a inpuhchhiat tumna mai mai a ni, tih a sawi.

    He thu hi nimina a Office-a thuthar lakhawmtute a kawmna ah sawiin Health Minister chuan, 'Hun lokal zel turah Zokhawthar hi hmun pawimawh leh sumdawnna hmun a ni dawna ka hriat vangin leh kan nau pakhat, mi damdawi dawr nghaka kum tam tak lo thawk tawhin enkawl se kan tih vangin drug license hi kan dil a. Mahse kan tih dawn tak tak laiin naute a neih leh bawk si avangin kan khawtlai ta a. Hetih lai hian Pi Ramengzuali chuan kan license hi hman min dil a, mi fel tak nia ringin ka hmantir ta a ni' a ti. Health Minister chuan, ‘nikum Aug. thla ah Excise ten damdawi kheh chungchanga Rampanmawia s/o Thangzuala (L) Zarkawt an man naah kan fapa license hmang anga sawi a awm vangin kan hmantirna Ramengzuali kovin thil awmzia ka zawt a, damdawi thianghlim chauh a zawrh thu sawi mahse a kut a\angin licence hi ka la nghal a, Zokhawthar a an damdawi kawl lai pawh tiral turin ka ti a, Police ah pawh FIR ka thehlut nghal a ni,’ a ti bawk.
    Hetihlai hian MNF General Hqrs. Legal Board chuan Joint Director (F&D), Directorate of Health Services hnenah lehkha thehlutin Dt. 23.8.2013 Local Daily Newspaper lo chhuak ah Drug Licence pekchhuah dan ah thu dik tawklo leh dan kalh statement a pe nia an hriat thu an hrilh a, hei hi pawi an tih thu tarlangin, ‘Drugs and Cosmetic Act, 1940 Section 12 hmangin Drug and Cosmetic Rules 1945 siam a ni a. Chu Drugs and Cosmetic Rules 1945 Section 64 chuan Qualifications neih ngai chiang takin a ziak lang a ni,’ an ti a,  Jacob Lalrinpuia S/o Lalrinliana Sailo (Hon’ble Health Minister) hnen a Drug Licence pek chu dan kalh ngei nia an hriat tlat avangin dan anga action lak a \ul hma ngeia cancel sak turin an ngen bawk.

Comments

Popular News (Last 30 Days)