Latest News

Serchhip-ah Northeast Yatra for Lifestyle (Life) nei mek

/
Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.
Post a Comment

Mission School-a thawk te ham\hatna atan sorkar in hma la zel.

/
Parliamentary Secretary, Pu Lal Thanzara chuan sorkar chuan Mission School a thawkte ham\hatna atan hma a la mek zel a ni, a ti.
He thu hi Mizoram Deficit Mission School Association (MDMSA) General Conference vawi 6-na nimin a Aizawl-a Archive Hall-a neih a hmanpuina ah sawiin Pu Lal Thanzara chuan MDMSA te chu sorkar laka an thil beisei leh duh te an thlenna kawngah sorkar ngaichang tak chunga an tih \hin avangin a fak a, zirtirtu te chu hna zahawm tak thawktu an ni tih sawiin, Mission school a thawktu te phei chu Pathian rawngbawlna a ngai a taima taka thawk tur leh naupang te nun dik zirtir turin a chah a. Zirna in a tum ber chu mi hmantlak siam a ni tih hria in result \ha neih ringawt duh tawk lova zirlai tlem a hnufual te chhawmdawl a mi hman tlaka siam hi an hna in a ken tel ani tih hria a chumi kawngah chuan tan la deuh deuh turin a chah bawk. Mizoramah hian tun dinhmunah Deficit Mission School 18 a awm mek a ni.

Comments

Post a Comment

Popular News (Last 30 Days)