Latest News

Oil Palm herna khawl Mizoram-ah 3 bun tum, kuminah pakhat hman theih beisei

Serchhip August 03 : Mizoram-a Oil Palm tharchhuah te herna tur khawl chu Mizoram District pathum-ah bun a ni dawn a, Oil Palm khawl hmasa ber tur chu kumin chhungin hman theih tura peihfel hman beisei a ni.

He thu hi Oil Palm chin chungchanga harsatna leh hmasawnna tur hrang hrang Oil Palm chingtute leh Agriculture Department-a mithiam ten an sawihona nimin a Serchhip Hmar Veng YMA Hall-a neih ah Pu RK. Nithanga, Dy. Director, Agriculture Department chuan a sawi a, Mizoram-ah hian hectare 13,500 vela zau ah Oil Palm hi chin a nih tawh thu leh heng zingah hian Oil Palm rah lawh tawh a awm thu sawiin, heng te hi sorkar leh company ten inremna an siam anga lei zel a nih thu a sawi a, Oil Palm herna khawl hi Mizoram in kan la neih loh avangin Oil Palm rah leikhawm te pawh hi a remchanna ang angah hman a nih thu leh tunah hian District 3-Kolasib, Serchhip leh Lunglei District-ah te Oil Palm herna khawl hi bun tum a nih thu sawiin, a hmasa ber tur Kolasib District ami chu tunah hian a khawl zaa 90 chu rawn thleng fel tawhin kumin chhung ngei hian hman theih tura Commission hman beisei a nih thu a sawi a, Oil Palm herna khawl te hi cheng vbc. 10 man vel a nih thu leh sorkar laipui in cheng nuai 250 zel subsidy pein, sum mamawh turte hi Agriculture Department in an kawl tawh thu a sawi bawk.
    Directorate of Agriculture (CH) buatsaih he inrawnkhawmna hun hi Pu Lalrinliana, Jt. Director, Agriculture chuan kaihruaiin Pu RK. Nithanga chuan Serchhip District-a Oil Palm herna khawl bunna turin a ram an neih tawh thu leh a panna kawng siamna tura harsatna an tawh te pawh chinfel a nih tawh thu a sawi a, Oil Palm herna khawl te hian darkar khatah Metric Ton 5 zel an her theih avangin heng khawl chawm khawp hi kan la thar loh thu leh khawl chawm thei tur khawp thar tura \an lak a \ul thu a sawi a, mi \henkhat ten Oil Palm hriak sawra ei atana an hmang chu a him tawklo tih a sawi bawk. He hunah hian Pu C. Lalnithanga, Asst. Plant Protection Officer pawhin Oil Palm eichhetu chi hrang hrang laka Oil Palm venhim dan a sawi a, he huna kalkhawm Oil Palm chingtu mi 100 vel zet te chuan harsatna an tawh te mithiam thlan-chhuah te zawtin an inhrilhfiah nghal bawk a ni.

Comments

Popular News (Last 30 Days)