LENKAWL ADS (Revenue) :

Ruihhlo vangin mi 1241 in nunna chan tawh
    Kum 1984 a\anga August ni 7, 2013 thleng khan Mizoram-ah ruihhlo vangin mi 1241 an thi tawh a, thi zinga 1114 hi mipa an ni a, hmeichhia 127 an awm bawk. 

Mizoram Excise & Narcotics Department chhinchhiah danin damdawi ti \hinte thihpui tam ber chu Proxyvon/Parvon Spas a ni a, he damdawi vang hian mi 1131 an thi tawh a, Heroin vanga thi 88 an awm bawk. Kum 2004 khan damdawi vanga thi hi an tam ber a, 143 awmin heng zinga 132 chu Proxyvon/Parvon Spas vanga thi an ni a, 6 chu Heroin vanga thi an ni a, a dang hi dendrite, khuh damdawi leh ganja zu te an ni. Kumin 2013 chhungin damdawi hmansual vang hian thi 26 an awm tawh bawk a, an zinga 10 chu Proxyvon/Parvon Spas vanga thi an ni a, a dangte hi Heroin, khuh damdawi leh a dang dang ti \hinte an ni. Mizoram Excise & Narcotics department hian kumin chhung hian rak zu 22804.615 litres, dawidim 273.320 kgs, bel 335 leh zu phurhnana hman lirthei 145 an man tawh a. Heroin 608 gram, ganja 69.451 kgs, ephedrine 14.500 kgs, parvon spas mum 228444, pseudoephedrine mum 90,12,173 leh a dang \hahnem tham tak an man tawh a ni. ND&PS Act hnuaiah thubuai 397, Assam Drugs Control Act hnuaiah 155, MLTP Act hnuaiah thubuai 1435 an ziaklut tawh. Mizoram Excise & Narcotics department hian January thla a\anga July ni 31,2013 thleng khan sorkar ah chhiah (revenue) Rs. 175,22,978/- an chhunglut tawh bawk.