Latest News

Sorkar hnathawk hlawh siamrem a lungawilo PARDC ten lungawilohna lantir zel tum.

Pay Anomaly Redressal Demand Committee (PARDC) chuan sorkara an thilphut, Pay Committee, 2011 report hmang turin sorkar an ngen nawn leh tih sawiin, Sept. 2 a\angin lungawilohna lantir leh an tum thu an sawi.
    Hemi chungchanga Inrinni-a thuchhuah an siamah PARDC chuan sorkar hnathawk hlawh inang \hin, inanglo nuaia siam chu kum thum chhung a tuartu zingah an tel tawh nia sawiin, siam\ha tura kum 3 chhung an lo ngen tawhna chu tihlawhtling turin sorkar an ngen nawn leh tih an tarlang a, Sorkarin sum harsatna chhuanlama a siam chu chhuanlam tlinglova an ngaih thu sawiin, kum 2008 ah khan Fitment Committee chuan Pay Commission 6-na anga hlawh tihpun dan tur a ngaihtuah khan kum tina cheng vbc. 150 sen belhna tur Report sorkarah a thehlut a, hei hi hmang duh lovin sorkar chuan cheng vbc. 400 sen belhna tur Committee report zawk a hmang ta niin a sawi a, hemi chungchanga an lungawi loh thu Chief Minister hnena thlen leh an dilna a hlawhtling lo nia sawiin, an lungawilohna entir nan September ni 2 a\anga ni 6 thleng khian hnathawk lova pisa kai (pen down strike) neih an tum thu an thuchhuah ah chuan an tarlang bawk a ni.
    PARDC ten sorkar nawr-a hma an lak mek lai hian PARDC Hqrs. in District tinah PARDC Sub-Hqrs. din nise a tih angin kar kalta Ningani khan Serchhip-ah pawh PARDC Sub-Hqrs. hi din a ni a, Chairman-ah R. Vanlalhriata (ICDS), Vice Chairman-ah TC. Lianzuala (AH&Vety), Secretary-ah Lalthanmawia (FCS&CA), Asst. Secretary-ah C. Zakunga (P&E), Treasurer-ah Bibi Lalthansangi (Taxation) leh Fin. Secretary-ah Zorinpuii Ralte (H&FW) te ruat an ni bawk.

Comments

Popular News (Last 30 Days)