4th IR Bn. Hqrs. dinna tur lungphum phum a ni
Home Minister Pu R. Lalzirliana chuan Inrinni kalta khan 4th IR Bn. Headquarters dinna tur lungphum chu Rengdil khua-ah phumin, “Mizo kan nihna ah hian lungawi ila chu chuan hmasawnna min thlen mai dawn a ni,” a ti.
Mamit District chhung Rengdil khua-ah 4th IR Bn Headquarters dinna tur lungphum phumna puala inkhawm 4th IR, Bn. Hqrs. hmuna Pandal zar-a neih ah hian Home Minister, Pu R. Lalzirliana chuan sipai sangkhat rual awm theihna tur 4th IR Bn. Hqrs. lungphum phum a ni ta chu thil lawmawm tak leh chhinchhiah tlak a nih thu sawiin, hemi dinna atana ram leh huan puitling engmah beisei lova petu mi 25 te chungah thinlung takin lawmthu a sawi tih a sawi a. Home Minister chuan chi leh chi inkara buaina awm \hin hian harsatna min thlen \hin a ni tiin, Mizo kan nihna ah hian lungawi ila, chu chuan hmasawnna min thlen mai dawn a ni, a ti a, Hnam bil, chi bil anga inlakhranna-ah mitinte fimkhur tura chahin, Tuikuk unau ten hel, hmanrua a hmanga min tih chep an tum a nih chuan hei hi an tih loh tawp tur a nih thu leh Zofate hi kan tlawm mai dawn lo, ani tih hriain huaikawm bawl zawnga che lova \hat an chhuah a ngai a ni, a ti bawk.
Home Department-a Joint Secretary, Pu Lalbiakzama, MPS kaihhruai he hunah hian Home Minister chuan 3rd IR Bn. Hqrs. hmun tur Lawngtlai District chhunga Thingkah ah cheng vbc. 31 hmanga din anih tur thu leh hna thawh \an thuai anih tur thu te, Central sorkar remtihna in Fire Department tih changtlunna turin cheng nuai 1000, Jail-a hmeichhe Ward siamna tur NLCPR a\angin cheng nuai 1400 senna tur te, Traffic Police Office tihchangtlun nana cheng nuai 500 leh DGP Office sak thatna tur cheng vbc. 30 NEC a\anga hmuhna turin DPR siam anih tawh thu a sawi bawk. He hunah hian bialtu MLA leh Home changtu Parliamentary Secretary, Pu Lalrinmawia Ralte pawhin Rengdil a 4th IR Bn. Hqrs. dinna tura thutawp siamtu Chief Minister Pu Lal Than-hawla leh Pu R.Lalzirliana Home Minister te chungah Bial mipui aiawhin lawmthu a sawi bawk.
Comments
Post a Comment