Bharat Nirman Public Information Campaign Serchhip District-ah neih leh a ni dawn.

Sorkar laipui in thingtlang mipuite hmasawnna tura programme chi hrang hrang a siam mipuite hnena inhrilhhriatna hun, Bharat Nirman Public Information Campaign (PIC) chu Serchhip District-a a \um thumna atan Sept. 11th-13th, 2013 chhung khian nei leh tum a ni.

    Serchhip District-a Bharat Nirman Public Information Campaign neih tur chungchang ah hian Pu Mangjangam Touthang, IIS, Chairman, Core Committee, PIC, Mizoram chuan nimin khan Serchhip rawn tlawhin Serchhip District Bawrhsap Pi Juhi Mukherjee kaihhruainain DC Office Chamber-ah he Campaign neih tur chungchang hi sorkar Department Officer te nen an sawiho a, he hunah hian District Bawrhsap Pi Juhi Mukherjee chuan officer-te chu sorkarin mipuite hmasawnna leh ham\hatna atana hna a thawh hi mipuite hnena puangzar thiam turin a fuih a, private company leh pawl \henkhat ten mipui rawngbawlna atan thil tê tham tê pawh an tihin nasa takin an inpho langsar thiam \hin a, mahse thil engkim deuhthaw tihsaktu sorkar thiltih hi mipuite hian an hre lo zawk fo \hin a ni tiin department head-te chu Information & Public Relations Department hmang \angkaia, an department hnathawh leh hlawhtlinna te mipui hnena a tam thei ang ber puangzar \hin turin a chah a ni. He hunah hian Pu Mangjangam Touthang pawhin department officer-te chu campaign hlawhtling tak neih a nih theih nana theihtawp chhuahpuiah a sawm bawk a ni. He Meeting neih zawh hnu hian Pu Mangjangam Touthang hian Serchhip District MJA Member te chu DIPRO Office-ah kawmin Serchhip District-a Public Information Campaign neih tur chungchang hi a sawipui nghal bawk.
    Tun \uma Serchhip District-a Bharat Nirman Public Information Campaign neih tur hi Mizoram-a a \um 25-na tur niin Serchhip District bik ah a \um 3-na tur a ni a, Sept. 11 a\anga 13, 2013 chhung hian Serchhip district chhunga khaw hrang hrang pathum ah Public Information Campaign hi neih tura ruahman a ni a, a hmunpui ber tur New Serchhip YMA Hall-ah hian ni thum chhung neih tur niin ni September 11, 2013, a \antirh ni hian khuallianah Pu Lal Thanhawla, Chief Minister leh Bialtu MLA ni bawk chu beisei a ni. September ni 12 leh 13 hian Khawlailung leh Kei\um-ah te campaign chikhat atan Health Camp neih tel tura ruahman a ni bawk.