Look East Policy hlawhtlinna atan Mizoram pawimawh tih sawi.

    Trade & Commerce Minister Pu Lalrinliana Sailo chuan Look East Policy hlawhtlinna atan Myanmar leh Bangladesh karcheha awm Mizoram chuan hmun pawi-mawh tak a luah a ni, a ti. 

He thu hi Pachhunga University College-a “Regionalism, Sub-regionalism and Connectivity : India’s Foreign Policy in the 21st Century” tih thupui hmanga Jadavpur Association of International Relations (JAIR) buatsaih international seminar nimin a an buatsaih a hmanpuina ah sawiin Pu Lalrinliana Sailo chuan kum reilote chhunga Asia chhimchhak ram te \han chakzia thlirin India Sorkar pawhin inkungkaihna \ha lehzual siam turin kawng a dap tih a sawi a, Look East Policy hlawhtlin theih nana Mizoram Sorkar hmalakna \henkhat sawiin, Zokhawthar leh Melbuk-a Land Custom Station leh building pawimawh sak te, Chhimtuipui kaltlanga Myanmar ramri depa Land Custom Station sak tum a nih thu te, kum 2010 a South East Asia ram palai ten Mizoram an tlawh thu leh trade lama inkungkaihna a \hat lehzual theih nan thil pawimawh hrang hrang an ngaihtuahho thu te bakah kawngpui \ha tel lova sumdawnna a hlawhtlin theihloh avangin Rih-Falam leh Rih-Tidim kawngpui sial chungchang te, Tiddim-Falam kaltlanga Rih-Kalemyo kawngpui chei \hat chungchang ngaihtuah a nih thu leh amah ngeiin Myanmar pawh \um hnih lai a tlawh thu a sawi bawk. Seminar-ah hian Ministry of External Affairs hnuaia Special Secretary (Development Partnership Administration) nihna chelh mek Ambassador PS Raghavan chuan Seminar-a ngaihtuahho tur thil pawimawh chi hrang hrang a tarlang a, MZU Vice Chancellor Prof. R Lalthantluanga bakah Maulana Abul Kalam Azad Institute of Asian Studies (MAKAIAS)-a Director Dr Sreeradha Dutta leh Dr Surojit C. Mukhopadhaya, JAIR ten thu an sawi bawk. Seminar hian naktuk thleng a awh ang.