Tlawmngai pawl ten Hnam bil a Autonomous District Council pek duhlo
Mizoram-a tlawmngai pawl lian pathum te niminpiah-a Aizawl-a thukhawm chuan Mizoram a Hnam bil hming chawia Autonomous District Council pe lo turin Mizoram sorkar an ngen.
Niminpiah a Mizoram-a tlawmngai pawl lian 3-YMA, MUP leh MHIP te MUP Office-a \hukhawm hian rssolution siamin Hnam bil hming chawia Autonomous District Council pek chu Mizoram \hen darhna nia an ngaih thu leh, tun-hnuah Mizoram sorkarin Mizoram-ah Hnam bil hming chawiin Autonomous District Council emaw, Development Council emaw pe tawh lo se an duh thu an tarlang a, Mizo hnam chu tlem tê, in-\hendarh thamlo a ni tih sawiin, a \hen darh zawnga \an la lo a, Mizo Hnama lungrual taka cheng za tura an duh thu an sawi a; tunhnaia Aizawla Hmar Welfare Committee a ding pawh \ha lo an tih thu sawiin, chi bil pawl ding tawh lo se an duh thu an sawi a ni.
Hei bakah hian tlawmngai pawl pathum te hian tunhnaia V/C bye election neih zawh taka democracy zalenna rap bet zawnga thil tih a awm chu \halo an tih thu sawiin, tunhnuah Mizoram chhunga inthlannaah thleng tawh lo se an duh thu an sawi a; Assembly inthlan lo awm turah, chi bing pawl reng reng thawhpui lo tur leh intiamkamna thu-thlung neihpui lo turin political party tin an ngen bawk. Hei bakah hian Mi-zoram sorkar leh HPC(D) inbiakna kal mekah, HPC (D) mi leh sa dik tak chauh palai atan pawm ni se, an ti bawk.
Comments
Post a Comment