Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.
Independence Day inbuatsaihna thlirho
    Kumin a Serchhip-a India Independence Day lawm dan tura inbuatsaihna thlirin nimin khan sorkar mi pawimawh te chu District Bawrhsap, Pi Juhi Mukherjee hovin DC’s Meeting Room-ah an thukhawm.


 He thutkhawm ah hian Department hrang hrang te hmalakna te ngaithlak niin, programme duan sa te pawh sawiho a pawm nghal a ni a. Ruahman lawk ang chuan Serchhip Independence Day lawmna inkhawm hi Khawtetlang Field, New Serchhip ah August 15, 2013 chawhma dar 10:30 ah tan a ni anga, Home Minister Pu R. Lalzirliana chu khuallian a ni ang. Independence Day zing ni chhuah rualin Sorkar office zawng zawngah India Hnam Puanzar khai vek tur a ni a, zing dar 7:00 ah JN Hospital (Poor Fund), Old Age Home, Home, Zoar Deprived Children’s Home, Adult Rehabilitation Centre leh Shalom Special School ah te Independence Day lawmna thilpek sem a ni ang. Independence Day lawmna ah hian Parade Contingent 13 (Armed-2, Unarmed-11) an tel ang a, heng mite hian Vawiin atang hian Reharsal an nei anga, karleh khian ni 2 neih leh tur a ni bawk ang. Kumin a India Independence Day lawmna ah hian Cultural Items leh programme benglut tak tak neih a ni ang a, Independence Day lawm tura kal naupang ho zawng zawng hnenah chithlum sem a ni bawk ang.

Comments

Popular News (Last 30 Days)